Абази: Чекаме да го идентификуваме лицето кое му дало мобилен на Јованов во Шутка

Во специјализираното Одделение за кривични дела сторени од лица со полициски овластувања и затворската полиција вклучени се јавните обвинители, и во секој момент чекаме да го идентификуваме или откриеме лицето кое му го дало мобилниот телефон на Васил Јованов, кој се наоѓа во притвроското одделение во затворот во Шутка, посочи денеска на прес-конференција јавниот обвинител Ислам Абази, одговорајќи на новинарско прашање.

Тој потенцираше дека Обвинителството го следи настанот и се преземаат дејствија. Случајот е во надлежност на Јавното обвинителство за организиран криминал.