Зголемен водостојот на Преспанското и Охридското Езеро, намален на Дојранското
За по еден сантиметар е зголемен водостојот на Преспанското и на Охридското Езеро во споредба со вчера, а за исто толку е намален на Дојранското Езеро, покажуваат резултатите од последните мерења направени од Управата за хидрометеоролошки работи (УХМР).
Со тоа нивоата на Охридското и на Дојранското Езеро се повисоки од повеќегодишниот просек за декември и тоа за 5 сантиметри кај Охридското и за 1,67 метри кај Дојранското Езеро, додека водостојот на Преспанското Езеро е за 1,8 метри понизок од просечниот.
Пониски од просечните се и нивоата на поголем дел од реките во земјава и најчесто бележат благо намалување во споредба со вчера.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
