ВИДЕО: Обид за атентат на Трамп, поранешниот претседател изнесен раскрварен од митинг
На митингот на Доналд Трамп во Пенсилванија одекнаа истрели, објави Си-ен-ен.
Поранешниот претседател и веројатен републикански претседателски кандидат во ноември покажуваше табела со бројки на граничните премини кога одекнаа истрели. Трамп потоа се спушти или падна на земја.
Тој брзо беше опкружен со вооружено обезбедување, а Трамп остана долу околу една минута. Во позадина се слушаа врисоци на насобраните поддржувачи.
Трамп потоа стана и ја крена тупаницата во воздух, пред да биде придружуван од бината до возило и потоа да биде однесен од местото на настанот. Во првата изјава по инцидентот, тимот на Трамп соопшти дека Трамп е „добро“ и дека моментално е на медицински преглед.
Напаѓачот и еден од посетителите на толпата се убиени, потврди окружниот обвинител на округот Батлер. Покрај двајцата загинати, едно лице е во критична состојба.
На видеото што се појави се гледа крв на увото на Трамп. Поранешниот претседател изгледаше како да ја стиска главата додека се спушташе кон земјата.
What do you think: real assassination #Trump attempt or part of an election campaign? https://t.co/GgoMkbjwGN pic.twitter.com/Sk9i2jG5kS
— MAKS 24 (@Maks_NAFO_FELLA) July 13, 2024
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
