Утре се очекува невреме со пороен дожд и грмежи во цела Македонија
Невремето кое ја зафати Словенија и предизвика тотален хаос, доаѓа кон Македонија, предупредија од Управата за хидрометеоролошки работи.
„Утре претпладне времето ќе биде сончево и топло со умерен до засилен јужен ветер. Под влијание на атмосферски фронт попладне и во ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град“, велат оттаму.
Од недела ќе следи посвежо време со умерен, повремено засилен ветер од западен и северозападен правец.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
