УХМР: Утре сонце, за викенд дожд и снег
Утре претпладне ќе има појава на магла и ниска облачност по одделни котлини. Во текот на денот времето ќе биде сончево со мала до умерена облачност. Долж Повардарието ќе дува слаб до умерен ветер од северен правец, соопшти УХМР.
Во Скопје претпладне со услови за појава на магла, во текот на денот сончево со мала облачност.
Во сабота попладне, во текот на ноќта и во недела под влијание на влажен бран времето ќе биде променливо облачно со повремени врнежи од дожд. На планините, а во недела и на некои од повисоките места врнежите ќе бидат од снег.
Во недела попладне и во понеделник ќе дува засилен северен ветер.
12.12.2024 - 12:34
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
