Убиен шефот на контраразузнавачката дирекција на Хамас во Газа

Израелските одбранбени сили (ИДФ) денеска објавија дека во воздушен напад во северна Газа е убиен Амџад Мухамед Хасан Шаер, кого го идентификуваа како шеф на контраразузнавачката дирекција на палестинското милитантно движење Хамас.

Во соопштението се вели дека воздушниот напад бил извршен во средата, 23 јули, и дека дирекцијата чиј службеник е убиен е одговорна за „потиснување на опозицијата на владеењето на Хамас, спречување на шпионажа против терористичката организација и обезбедување на високи функционери и имот на терористичката организација во и надвор од Појасот Газа, објави Ал Џезира.

Се додава дека копнените и воздушните напади врз Газа продолжуваат и дека израелските воени авиони бомбардирале области низ енклавата „десетици пати“ во последните 24 часа.