Уапсен лекар осомничен за убиство во Германија
Германската полиција уапси специјалист по кардиологија суспендиран од берлинската болница „Шарите“ поради сомнение за убиство, соопшти денеска германското Обвинителство.
Според „Ројтерс“, кардиологот е осомничен дека свесно им давал високи дози седативи на двајца критично болни пациенти на интензивна нега, кои починале како резултат на тоа.
Обвинителите почнаа истрага по суспензијата во 2022 година, но налогот за апсење можеше да биде издаден само по добивањето лекарски извештај, кој покажува дека високите дози седативи не се медицински оправдани, се додава во соопштението.
Агенцијата потсетува дека на тоа кардиолошко одделение имало вкупно четири сомнителни случаи, но било потврдено дека само во два случаја била неоправдана употребата на седативи.
Осомничениот, како што се наведува во соопштението, денеска ќе се појави пред берлинскиот суд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
