Трипуновски: На моја иницијатива денес АД Водостопанство изврши зафат на Злетовска Река

Дополнителниот заменик министер за земјоделство, шумарство и водостопанство Цветан Трипуновски денес е во работна посета на општина Чешиново-Облешево.

Трипуновски информираше дека на негова иницијатива АД Водостопанство денес работеше на земјен зафат за зафаќање на водите од Злетовска Река.

- По барање на земјоделците од овој регион се заангажирав и земав активно учество во иницирање на АД Водостопанство да започне со работа на Злетовска Река се со цел насочување на водата кон полињата за сеење на ориз и истата да стигне до земјоделците кои нестрпливо ја очекуваа за старт на новата реколта. - изјави Трипуновски.

Добро познато е дека водоснабдувањето беше еден од најголемите проблеми на македонските земјоделци изминатиов период па со таа цел Трипуновски активно е вклучен во почетокот на работата на АД Водостопанство.

- Одговорно е да сме присутни од самиот почеток на активностите се со цел македонските земјоделци навремено да ја добијат неопходната вода за наводнување. Ние секогаш сме вистинскиот партнер на македонските земјоделци! - заврши Трипуновски

Трипуновски најави дека ќе биде постојано на терен и будно ќе ги следи состојбите во македонското земјоделство во наредниот период се со цел македонските земјоделци да ги добијат потребните услови кои ги заслужуваат.