ТОП 5 најплатени професии во Македонија: Кој заработува најмногу?
Компјутерски програмер во просек зема плата од 73.805 денари, покажуваат податоците на Државниот завод за статистика за месец август.
Секторот „Информации и комуникации“ каде влегува и компјутерското програмирање повторно е број еден по висина на исплатената плата. Според податоците од ДЗС, просечно исплатената плата во овој сектор изнесува 54.893 денари.
Зад „Информации и комуникации“ најплатени сектори се Фармацијата и Воздухопловниот транспорт. Во Фармација просечната плата е 52.353 денари, додека во Воздухопловството таа изнесува 46.729 денари.
Како што покажуваат податоците од Државната статистика, на третото место се финансиските услужни дејности, освен осигурувањето и пензиските фондови, каде просекот за август изнесувал 46.114 денари. Зад нив се„Останати стручни, научни и технички дејности“ со просечна плата е 44.944 денари.
Инаку во август просечната месечна плата се зголемила за 4 отсто.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
