Телма: Повредениот од пукањето во Визбегово има прострелна рана во десната нога
Повредениот од пукањето во Визбегово што се случи денеска во 17.20 часот има прострелна рана во десната нога, пренесува ТВ Телма според неофицијални податоци.
За потсетување, како што информиравме претходно, денеска попладне се случи вооружен инцидент во скопско Визбегово, во кој едно лице е повредено.
На 09.05.2023 во 17:20 часот во СВР Скопје А.Б. пријавил дека во Визбегово кон него пукал И.А. и го повредил. Се преземаат мерки за расчистување на случајот, информираа од Министерството за внатрешни работи.
Инаку, денеска претпладне во скопското село Батинци полицијата привела 28-годишен скопјанец по добиена пријава за пукање кон Н.М., кој по здобиените повреди е пренесен во болница.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
