Таравари најави проширување на „Мој термин“

Се работи на проширување на програмата „Мој термин“ или евентуално нова дигитализација. Ова го изјави министерот за здравство Арбен Таравари денеска.

„Ќе видиме која ќе биде дефинитивната одлука. На Македонија дефинитивно и требаат сите здравствени установи да бидат во еден ист систем. Значи, приватни и јавни здравствени установи, меѓутоа фармации и сите други институции што се поврзани со здравството. Тука мислам и на ФЗОМ, така што ќе видиме, ќе разгледаме најдобри можни опции“, изјави министерот Таравари на новинарско прашање.