Таравари: Мицкоски е подготвен за уставни измени - чека само одложено дејство
Лидерот на Алијанса за Албанците и министер за здравство, Арбен Таравари, синоќа гостуваше во емисијата „Клик Плус“ на ТВ21. Таравари изјави дека премиерот Христијан Мицкоски не поставува услови за уставните измени, туку бара гаранции од Брисел и Вашингтон дека тие ќе бидат последниот чекор за влезот во ЕУ.
- „Ме радува фактот што премиерот има одлични односи со САД и коректни односи со земјите од Европската Унија. Единственото барање од Мицкоски е гаранција дека ова ќе биде последниот услов за членство. Тој вели: ‘Да ги направиме уставните измени, бидејќи ги имаме бројките, но нивната примена да биде по влезот во ЕУ’“, рече Таравари при гостувањето во емисијата „Клик Плус“ на ТВ21.
Таравари се осврна и на можната консолидација на коалицијата ВЛЕН во една политичка партија. Тој нагласи дека Алијансата за Албанците е подготвена за соработка, но се против ултиматуми.
- „Никогаш не сум функционирал со ултиматуми. Ако дојде до иницијатива за обединување, треба да има координација и транспарентен процес“, рече Таравари при гостувањето.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
