Таравари инистира Алијансата за Албанците да има посебни листи за советници на локалните избори

Очигледно е дека во коалицијата „Вреди“ не се како што треба и дека раслојувањето го има, но не се претставува јавно. На свој начин тоа го потврди денеска и министерот за здравство, Арбен Таравари, кој рече дека тие како едно крило на Алијансата за Албанците инсистираат да имаат посебни листи за советници. Но дека е оптимист дека ќе најдат заеднички јазик со другите партнери во коалицијата.

„Ние сме во постојана комуникација, комуницираме и се подготвуваме за локални избори, така што мислам дека наскоро ќе излеземе и ќе ги покажеме нашите позиции. Јас инсистирав во преговорите да излеземе со посебна листа како Алијанса за Албанците, но и други партии бидејќи мотивираме многу повеќе луѓе да се ангажираат на локалните избори, но дека ќе имаме постојана комуникација“, вели таравари во изјавата дистрибуирана до медиумите.