Снег и студ ја зафаќаат Македонија - УХМР со предупредување
Времето утре претежно облачно со врнежи од дожд, наместа пообилни (над 30 l/m²), а на планините и на повисоките места од снег, особено претпладне, соопшти УХМР.
Ќе дува засилен северен ветер (над 65 km/h) и врнежите ќе преминуваат во снег и во некои од пониските места. На планините снежната покривка позначително ќе се зголеми. Кон крајот на денот врнежите ќе престанат.
Во Скопје претежно облачно со врнежи од дожд, а во повисоките делови од котлината од дожд и снег. Попладне врнежите ќе престанат. Ќе дува умерен до засилен северен ветер.
Преодно стабилизирање на времето ќе има во недела. Од понеделник под влијание на циклонска активност и студена воздушна маса од север се очекуваат нови врнежи претежно од снег и ќе се формира снежна покривка и во пониските места.
20.12.2024 - 15:12
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
