Шекеринска: Заев само сакаше да отвори врати кон Бугарија
Како Влада ќе напраиме се што е можно да не бидеме заложници на историјата, порача министерката за одбрана Радмила Шекеринска, истакнувајќи дека европските нации пронашле начин како да си простат.
– Треба да изнајдеме европски решенија. Ние како Влада покажавме дека сме подготвени на изнаоѓање компромиси, но кажуваме „не“ за предлозите кои се неприфатливи. Желбата на премиерот е да отвори повеќе врати за соработката меѓу Македонија и Бугарија, вели Шекеринска.
Министерката, одговарајќи на новинарски прашања, ги повтори зборовите на премиерот дека фашизмот нема етничка боја и нагласи дека во односите на Македонија со Германија, или Германија и Франција, не доминира темата за фашистичкото минато од 40-тите години.
– Историјата треба да се памти, но треба и да се запрашаме дали да ги носиме одлуките денеска според она што се случило пред седумдесет години, заклучи Шекеринска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа