Путин на руските студенти им нуди бесплатно образование доколку војуваат во Украина

На студентите во Русија им се нуди бесплатно образование доколку се борат во Украина. Рускиот премиер Михаил Мишустин денеска зборуваше за новиот закон кој им овозможува на студентите пристап до бесплатно образование доколку учествуваат во „специјалната воена операција“ на Русија, јавува руската државна новинска агенција ТАСС.

Но, не се објавени детали од законот, па не се знае ниту на која возраст треба да се запишат учениците, ниту пак за какво бесплатно образование се работи.

Мишустин, исто така, потпиша декрет со кој се поедноставува примањето на плаќањата за осигурување за семејствата на руските војници убиени во Украина. Тој изјави дека сите исплати сега мора да се подмират во рок од 30 дена од смртта.

Се чини дека ова е последен во серијата потези на режимот на Владимир Путин за усвојување закон што ќе им овозможи на повеќе руски граѓани да се борат во Украина, пишува Sky News.