Птичји грип на фарма во Унгарија, заразени 7.400 животни
Птичјиот грип повторно е откриен на фарма за гуски во округот Бекеш, во југоисточна Унгарија, соопшти Управата за безбедност на храна на таа земја.
Констатирано е дека оваа болест е регистрирана и кај птиците во заробеништво во областа Комаром – Естергом на северот од земјата, пренесе МТИ.
Верзијата на птичјиот грип Х5Н1 е дијагностицирана на фарма во која се чуваат 7.400 гуски во Бекеш, а убивањето на животните е веќе започнато, соопшти Управата.
Истото ги чека и болните птици во областа Комаром-Естергом. Светската организација за здравје на животните вчера објави дека Франција пријавила појава на високопатоген птичји грип меѓу црвените лисици североисточно од Париз.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
