Принцот Хари тврди кралското семејство криело од него дека телефонот му бил хакиран

 

Војводата од Сасекс го обвини кралското семејство дека „без сомнение долго време му криеле информации за хакирање на неговиот телефон бидејќи не сакале да отворат лименка со црви“.

Обвинувањето го изнесе принцот Хари во својата изјава како сведок во случајот за повреда на приватноста против „Асошиејтед њузпејперс“, издавачот на „Дејли мејл“ и „Мејл он сандеј“.

Британскиот принц Хари неделава е во Лондон за да сведочи во судската постапка што тој ја покрена против издавачот на двата весника.

На вториот ден од прелиминарното сослушување во лондонскиот Кралски суд на правдата, издавачот тврдеше дека дел од случајот треба да се отфрли бидејќи се потпира на документи доставени доверливо до ‘истрагата Левесон’.

Наводите кои ги демантира тужениот се однесуваат на ангажирање приватни истражувачи за поставување уреди за прислушување во автомобили и пристап и снимање на приватни телефонски разговори.

Неколку британски медиуми пренесоа дека на вториот ден од прелиминарното сослушување, војводата од Сасекс го обвинил сопственото семејство дека не го известило кога станало јасно дека неговиот телефон бил прислушуван.

Тие, наводно, криеле од него бидејќи не сакале тој да поднесе обвинение. Тој бил принуден да се согласи со правилото наметнато од неговото семејство – никогаш да не се жали и никогаш да не објаснува во врска со односите со печатените медиуми.

Тужба против издавачот на весниците „Дејли мејл“ и „Мејл он сандеј“, „Асошиејтед њузпејперс“ – поднесоа, меѓу останатите, Елтон Џон и Елизабет Харли.

Издавачот наводно ја нарушил приватноста на многу познати личности.

29.03.2023 - 11:12

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега