Прекин на сите врски со Газа

Двете главни телекомуникациски компании во Газа вчера предупредија дека ќе ги прекинат комуникациите во „наредните часови“, а сега тоа се случи, Палтел и Џавал сега објавија дека сите услуги се во прекин бидејќи им снемало гориво.

„Со жалење објавуваме дека сите телекомуникациски услуги во Појасот Газа престанаа да работат бидејќи сите извори на енергија кои ја одржуваат мрежата се исцрпени, а горивото не е пуштено во Газа, објави Палтел.

Комуникацијата во регионот веќе беше исклучително тешка во последниве денови, бидејќи телекомуникациските мрежи во голема мера се распаднаа поради уништената или оштетена инфраструктура, особено на северот на Појасот Газа.