Повторно одложено судењето за родилката Јилдиз Веаповска од Дебар

Трет пат се одложува судското рочиште во Основниот суд во Струга, на кое им се суди на тројца доктори од струшката болница, за лекарска грешка во случајот со родилката Јилдиз Веаповска од Дебар.

Адвокатот на обвинетите лекари, побара одлагање поради здравствени причини. На денешното рочиште требаше да сведочи медицинска сестра од болницата во Струга, а судскиот процес продолжува на 9 мај.

Обвинителството лани во мај поднесе обвинение против поранешниот директор на болницата во Струга и гинеколог Мухамед Асани и уште двајца негови колеги, за тешки дела против здравјето на луѓето, затоа што пред три години при породување со царски рез, Веаповска остана без матка, јајник и бубрег.

За ова кривично дело се предвидува максимална затворска казна од 5 години. Од почетокот на судењето лани во јуни, до денес ова е трето одлагање. Веаповска вели дека последиците по здравјето сè уште ги чувствува, а одлагањето на судските рочишта смета дека е купување на време.