Полицаец во Индија уби четири лица во воз, меѓу жртвите е и негов колега

Полицаец на индиските сили за заштита на железницата (РПФ) е уапсен откога уби четири лица во воз во близина на Мумбај, пишува Би-би-си.

Полицијата соопшти дека обвинетиот полицаец Четан Кумар убил висок функционер на РПФ и тројца патници.

Полицијата објави дека го истражува мотивот на Кумар и се обидува да ги идентификува убиените патници.

Висок функционер на Западната железница им рече на новинарите дека се чини дека немало кавга меѓу Кумар и другите пред пукањето.

„Се чини дека не му беше добро“, рече тој.