Подгответе ги чадорите: Времето денеска облачно со повремени врнежи од дожд

Времето денеска ќе биде облачно со повремени врнежи од дожд кои на места ќе бидат обилни (над 20 л/м2) и проследени со ретки грмежи, особено во југозападните делови.

На повисоките планини врнежите ќе бидат од снег. Ќе дува слаб до умерен ветер од југоисточен правец.

Минималната температура ќе биде во интервал од 0 до 7, а максималната ќе достигне од 6 до 11 степени.

Во Скопје претежно облачно со повремени врнежи од дожд.

Минималната температура ќе се спушти до 5, а максималната ќе достигне до 8 степени.