Почина првиот градоначалник на општина Бутел, Петре Латиновски
Вечерва почина првиот градоначалник на Општина Бутел, Петре Латиновски, кој во три мандати по ред ја доби довербата од граѓаните.
Информацијата за смртта на градоначалникот ја објави Дарко Костовски.
„За жал вечерва не напушти првиот градоначалник на Општина Бутел, Петре Латиновски.
Петре Латиновски е првиот градоначалник на Општина Бутел кој дванаесет години во три последователни мандати ја добиваше довербата од граѓаните. Беше домаќин и работлив човек кој низ дванаесет години како градоначалник остави многу капитални проекти за Општината.
Или како што милуваше да рече “Јас работев под земја, на атмосферска и фекална канализација”
За време на третиот мандат на Латиновски бев советник во Општина Бутел, понекогаш имавме различни ставови но сепак научив корисни примери за работењето и ефикасното функционирање на општината“, напиша Костовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
