Палчо добил голема сума пари од Швајцарија по убиството, киднаперите вежбале со денови
Првоосомничениот за двојното убиство на Вања Ѓорчевска и Панче Жежовски, Љупчо Палевски – Палчо при бегството од Македонија, уште пред да почне официјалната истрага во Србија преку брз трансфер добил голема сума на пари од Швајцарија, открива КОД.
Со тие пари живеел неколку дена во Србија по што стасал во Баликесир каде еден од соучесниците имал бизнис партнер.
Според КОД, киднаперите имале добро утврден план и рута кои биле вежбани со денови пред нејзиното грабнување. Паркинг местото кадешто чекале било намерно избрано бидејќи било во мртов агол и тука не можеле да бидат фатени на камерите на „Сејф сити“.
Вања првично била однесена во подрумска просторија од која Палевски имал клуч и била негова. Таму и биле врзани рацете и нозете, по што била ставена во вреќа за спиење. Грабнувачите имале план грабнувањето да го реализираат порано, на 24 ноември- петок, меѓутоа се предомислиле бидејќи тој ден било многу раздвижено и прометно.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
