Доаѓа пекол: Од следната недела над 40 степени
Сончево и топло со мала облачност ќе биде времето утре претпладне. Ќе дува умерен, а повремено и засилен ветер од западен правец. Попладне и понатаму ќе има услови за појава на изолирана нестабилност со пороен дожд и грмежи.
Утринската температура ќе се движи од 12 до 19, а дневната од 30 до 36 степени.
Во Скопје времето претпладне ќе биде сончево со мала облачност. Ќе дува умерен повремено засилен југозападен ветер. Попладне ќе има услови за нестабилност со пороен дожд и грмежи. Утринската температура ќе се спушти до 16, а дневната ќе се искачи до 33 степени.
Во четврток ќе биде претежно сончево со локална облачност и ветровито. Попладне со услови за локални врнежи од дожд и грмотевици. Ќе дува умерен јужен и југоисточен ветер, а во западните предели ќе дува засилен југозападен и западен ветер. Утринските температури од 11°C до 20°C, а максималните дневни температури ќе се движат од 24°C до 34°C. УВ индекс 8.
Од почетокот на наредната недела жештините го достигнуваат врвот. Најтопло ќе биде од почетокот на јули, кога се очекуваат температури над 40 степени.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
