Објавени резултатите од екстерното тестирање

Резултатите од екстернотото тестирање по двата предмета кои ги полагаа основците и средношколците денеска се објавени во училиштата. Ова го потврди денеска Министерството за образование и наука.  

Второто екстерно тестирање во Македонија беше спроведено од 2-ри до 10 јуни и опфати 189.037 ученици од четврто одделение во основно образование до трета година во средно образование, како и 18.126 наставници во 680 основни и средни училишта.  

Резултатите од тестирањето на осмооделенците беа објавени минатата недела поради нивната обврска за запишување во средно образование. Матурантите, пак, поради обврски со државната матура, екстерно беа тестирани на почетокот на второто полугодие од учебната 2013/2014 година.