Попоски во Брисел на традиционална вечера со Ештон

Министерот за надворешни работи на Република Македонија Никола Попоски денеска е во работна посета на Брисел во рамки на која главен настан е традиционалната вечера организирана од високата претставничка за надворешна и безбедносна политика на Европската унија, Кетрин Ештон.

Како што јавува дописникот на МИА од Брисел, покрај Попоски, на вечерата организирана од британската бароница на чело на европската дипломатија, ќе присуствуваат и министрите за надворешни работи на другите земји-кандидати за членство во Унијата.

Претходно, шефoт на македонската дипломатија ќе има редовна работна средба со директорот на Директоратот за проширување при Европската комисија, Стефано Санино, со кого се очекува да разговара за остварените реформи во рамки на Пристапнито дијалог на високо ниво (ХЛАД), но и за други тековни обврски што македонската Влада ги остварува во рамки на европската интеграција на нашата земја. Како што е познато, Европската комисија преку Директоратот за проширување минатиот месец го објави Специјалниот извештај за Република Македонија во кој уште еднаш го повтори барањето до Европскито совет на Самит да одреди датум за почеток на пристапните преговори со нашата земја, а притоа констатира и напредок во однос на добрососедството со Бугарија и Грција и во реформите од ХЛАД-от. Сега, единствено останува на Самитот на ЕС во јуни земјите-членки да ја прифатат петтата еднопдоруго позитивна препорака на Комисијата и да започнат преговорите на Македонија за членство во ЕУ.

МИА