ФОТО: „Свети Јован Канео“ меѓу 65-те најубави цркви во светот

Црквата „Свети Јован Канео“ во Охрид се најде меѓу изборот од 65 најубави цркви во светот според италијанската RAI STORIA.

Црквата е со правоаголна основа , со впишан крст во внатрешен простор , тристрана апсида на источната страна и октогонална купола што се потпира врз четири правилни столпци со помош на пандантиф. Градена од делкан камен во долниот дел со наизменични хоризонтални и вертикални делови на делкан бигор и тула во горниот дел. На апсидата, источната страна и куполата има керамопластично украсување на изгледот на фасадите.