Министерот Попоски утре на работен состанок во Брисел

На покана на Високиот претставник на ЕУ за надворешни работи и безбедносна политика Кетрин Ештон, министерот за надворешна работи на Република Македонија Никола Попоски утре во Брисел ќе учествува на годишниот традиционален состанок на министрите за надворешни работи на земјите - членки на Европската унија и на земјите - кандидати за членство во ЕУ: Македонија, Исланд, Црна Гора, Србија и Турција.

 Главна тема на состанокот ќе биде стабилноста во соседството на ЕУ,  при што се очекува дискусиите да бидат фокусирани на ситуацијата во Сирија, како и на перспективите за продлабочување на односите и соработката на ЕУ со земјите од Источното Партнерство.

 Во рамките на престојот во Брисел, предвидено е министерот Попоски да оствари средба со Генералниот директор за проширување на ЕУ во Европската комисија Стефано Санино.

ФОТО: Денешен