Се решава децениски проблем на Кисела Вода
Нови 50 решенија за легализација на дивоизградени објекти во општина Кисела Вода денеска додели градоначалничката Билјана Беличанец-Алексиќ. Со денешната легализација, од вкупно 11.874 пристигнати, бројот на решени предмети е 2.689.
- Се намалува бројот на граѓани кои немаат доставено геодетски елаборат и заклучно со денешниот ден, нивниот број изнесува 3.954, истакна градоначалничката Беличанец-Алексиќ.
Таа потенцира дека заокружувањето на процесот на легализација ќе биде заеднички успех.
- Со новите детални урбанистички планови, кои на овој начин ќе можат да бидат донесени, на граѓаните и бизнис заедницата им даваме шанса за изградба на нови објекти и проширување и реконструкција на постоечките. Само на тој начин ќе придонесеме за успешен развој на нашата општина, изјави Беличанец-Алексиќ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
