Иванов телефонски разговараше со Јосиповиќ и Комшиќ

Македонскиот претседател Ѓорге Иванов, хрватскиот претседател  Иво Јосиповиќ и членот на претседателството на Босна и Херцеговина, Жељко Комшиќ во денешните телефонски разговори се согласиле дека е неопходно засилување на регионалната соработка и координирана акција во справувањето со природните несреќи и катастрофи.

Во телефонските разговори Иванов, како што соопшти неговиот кабинет, ја истакнал подготвеноста на Република Македонија да понуди помош и да ги стави на располагање своите расположливи ресурси со цел справување со последиците од невремето.

Членот на босанското претседателство Комшиќ во телефонскиот разговор посочил на ургентната потреба за помош во лекови и санитарен материјал.