Автобус се скрши во воз на патот Штип Велес - четворица повредени

Тешка сообраќајна несреќа се случила утрово меѓу шинобус-воз и автобус во близина на бензинската „Мики петрол“ на патот Штип-Велес.

Од штипската болница информираат дека кај нив се донесени четири повредени лица во несреќата, а од полицијата најавуваат повеќе детали во текот на денот. 

Поради тешка сообраќајна незгода на патниот правец Штип - Велес М5, во прекин е сообраќајот во делот од Овчеполска раскрсница до Сарамзалино.

Во моментот се врши увид од сообраќајната полиција и се очекува нормализирање на сообраќајот за еден до два часа.