Среде пролет снег во Македонија - од утре нов температурен шок

Времето утре во Македонија ќе биде облачно со обилни врнежи од дожд, на повисоките места од дожд и снег, а на планините од снег. На повеќе места количеството на наврнат воден талог ќе биде над 30 литри на метар квадратен, а на повисоките планини ќе се формира позначителна снежна покривка. Ќе дува слаб, повремено умерен северен ветер.

Температурата ќе се движи од еден до 11 степени.

Во Скопје ќе биде облачно со обилни врнежи од дожд. Ќе дува слаб, повремено умерен северен ветер. Температурата ќе достигне до шест степени.

До сабота ќе има повремени врнежи од дожд, а на планините од снег.