Грипот ја однесе и единаесеттата жртва
Грипот однесе уште една жртва. Се работи за пациентка на возраст од 81 година од Неготино, кај која е добиена лабораториска потврда за присуство на инфлуенца А/Х3.
Пациентката починала денеска на Клиниката за инфективни болести во Скопје откако девет дена била хоспитализирана на Инфективната клиника со тешка билатерална бронхопневмонија и со претходни хронични заболувања, како што се акутна бубрежна инсуфициенција и срцева слабост.
- И покрај спроведената антивирусна терапија и повеќедневните напори на лекарите, пациентката изутрината починала. На Клиниката за инфективни болести во моментот се хоспитализирани 98 пациенти со симптоми и клиничка слика на грип, од кои шест лица се лекуваат на одделението за интензивна нега, стои во соопштението на Министерството за здравство.
Ова е единаесетта жртва на грипот годинава.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
