Груевски во Брисел на средба со Расмусен

Македонскиот премиер Никола Груевски денеска ќе го посети седиштето на НАТО, каде ќе оствари средба со генералниот секретар Андерс Фог Расмусен и ќе присуствува на Северно-атлантскиот совет на Алијансата, јавува МИА.

Од седиштето на НАТО ја потврдиле информацијата дека Груевски доаѓа на покана на првиот оперативец на Алијансата.

По средбата Груевски-Расмусен, информираат од НАТО, ќе се одржи заедничка прес-конференција. Средбата доаѓа неколку месеци пред Самитот на Алијансата во Велс, каде се очекува проширувањето да се врати на агендата, при што Македонија е земја што е прва на листата, но не може да и се приклучи на најголемата воено-политичка организација на светот поради блокадите од Грција.