„Девојчето со кибритчињата“ во Индија се закити со награда за најдобар краток филм

Краткиот игран филм „Девојчето со кибритчињата” во режија на Филип Матевски и продукција на „Квазар филм“ во Индија се закити со награда за најдобар краток филм на меѓународниот детски филмски фестивал Children's India.

Филмот е снимен според мотиви на истоимената приказна на Ханс Кристијан Андерсен во Скопската чаршија, а својата премиера ја имаше во 2011 година на „Синедејс“ во Скопје.

Филмот чие сценарио го напишаа Филип Матевски и Ивана Нелковска, директор на фотографија е Душан Кардалевски, а продуцент Данко Димовски, до сега е прикажан на 15 интернационални фестивали.