Пожар проголта куќа во селото Козјак
Голем пожар кој избувнал утрово околу 3 часот, ја пеплоса куќата на Мегди Асановски во селото Козјак.
Ресенската Противпожарната единица интервенирала со четири возила и девет пожарникари, но, поради лошите временски услови, 11 степени под нулата, на помош биле повикани и битолски пожарникари. Во пожарот целосно изгореле горниот кат и покуќнината.
Материјалната штета засега е проценета на околу 50.000 евра.
Градоначалникот Ѓоко Стрезовски ги посетил оштетените и ветил помош во рамки на можностите.
Причините за пожарот допрва ќе се утврдуваат.
27.01.2014 - 13:17
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
