Ја удрил воз додека одела на пруга - повредена 60-годишна прилепчанка

Во Прилеп денеска околу 13 часот и 30 минути се случила железничка несреќа во која со повреди се здобила една жена. Според информациите, машиновозачот само што го поминал обележаниот премин кај сточното пазариште во Прилеп ја забележал 60-годишната жена која се движела среде пругата. Машиновозачот свирел и кочен, но сепак жената не успеала да го слушне, па дошло до несреќа кога возот ја отфрлил покрај пругата.

Брзата помош пристигнала навреме, па жената која веднаш била однесена во болница сега е надвор од животна опасност. Според првичните информации од хируршкото одделение 60 годишната Фатиме А. е надвор од животна опасност. Се здобила со полесни повреди, но ќе биде задржана на натамошно лекување.