Го собрале дневниот промет и 200 штеки цигари - ограбена продавница во гостиварско

Крадците дефинитивно не запираат. Уште една кражба е регистрирана деновиве, овојпат во продавница продавницата „Амза АС“ во гостиварското село Добри Дол. 

Според податоците, од продавницата се украдени 200 штеки цигари и десет илјади денари ноќта помеѓу 19 и 20, а случајот во полиција го пријавил сопстевникот, 50-годишниот Х.Б. кој се соочува со штета од 270 илјади денари.

Кражбата била извршена на тој начин што непознатите сторители најпрво го скршиле катанецот од вратата, влегле внатре и ги одзеле цигарите и парите, по што заминале во непознат правец.

Полицијата трага по сторителите.