ДУИ: Албанската култура доби голема нула од оваа власт

Со жалење и длабока загриженост ги следиме случувањата во областа на културните политики на Владата, кои, спротивно на ветувањата и големите изјави, водат кон континуирано уништување на албанската култура и нашето национално наследство, велат од ДУИ на денешната пресконференција.

Беше ветено и нагласено од коалицијата Влен, дека ќе раководат со Државната филхармонија и ќе создадат нови културни институции, но на дело, тоа се покажа како неуспешна пропаганда.

Албанската култура, која беше незаменливо богатство, доби голема нула од оваа власт.

Ова е тежок период за албанската уметност и култура. Ниту еден Албанец не е назначен на високи позиции во националните културни институции. Ова е целосен неуспех на ветувањето дадено на граѓаните и тежок удар врз претставувањето на албанската култура и уметност.

Друг чекор напред кон уништувањето е фактот што ниту еден Албанец не е назначен во пет културни центри надвор од земјата, каде што се неопходни достојни претставувања кои ја одржуваат врската меѓу Албанците од дијаспората и нашата култура. Детскиот Албански театар во Скопје е оставен на милост и немилост на судбината, што е големо недостиг на одговорност, бидејќи овие центри треба да бидат порти што ја одржуваат жива и ја пренесуваат нашата културна традиција на идните генерации.

Исто така, последните акции на Владата имаат за цел да ги уништат двата најважни културни ансамбли, оној на танците и музичкиот ансамбл, што е неприфатливо и штетно за нашиот национален идентитет. Овие ансамбли не се само уметнички групи, туку претставници на нашиот културен живот и традиција, кои одиграле значајна улога во зачувувањето и промоцијата на нашите највредни културни вредности. Во исто време, Албанците се елиминираат и од сферата на културното наследство, создавајќи неподнослива празнина за нашата уметност и култура.

Културата е дел од нашиот идентитет и таа е незаменлива. Целта на овој систематски процес на уништување не е само да се укинат некои културни институции, туку исто така е обид да се избрише споменот на тоа што како народ сме го постигнале. Ова е акција која уништува сè што е создадено со труд и жртва за да се зачува и промовира нашето наследство.

Само пред два дена, Албанците за првпат се елиминирани од доделувањето на највисоката државна награда „11 Октомври“, која беше доделена на четворица македонски творци, а ниеден на Албанец, акт кој покажува антиалбанска менталност инсталирана од оваа моноетничка влада.

За да се избегне оваа културна катастрофа, неопходно е Владата да преземе итни мерки за:

1. Зајакнување на албанското претставување во раководството на културните институции на национално и меѓународно ниво, за да се гарантира дека албанските вредности и традиции ќе бидат присутни и заштитени во секоја културна одлука и активност.

2. Обновување на поддршката и развојот на културните ансамбли како што се ансамблот за танци и музичкиот ансамбл, преку вложување во зајакнување на инфраструктурата, обука на уметниците и финансиска поддршка, за да се осигура зачувувањето и развојот на традиционалната албанска уметност и култура.

3. Ангажман на Владата да обезбеди правично и еднакво претставување на сите нивоа на културните институции, како и да гарантира дека тие ќе функционираат со професионализам и интегритет. се наведува во партиското соопштение.