Таткото на Вања: Чувствувам обврска кон детето

Денес во судницата за време на рочиштето таткото на убиената Вања изјави дека чувствува болка која не може да се објасни.

-Јас загинав на 27-ми. Тоа што остана е ехо од човек од мене, чувствувам болка која не може да се објасни. Чувствувам и обврска кон Вања. Да се ставам на располагање за да се разреши оваа ситуација. Во детали со имиња со тоа што го наведе адвокатот, изјави таткото на Вања.

Судот не го прифати барањето на мајката на убиеното девојче Вања Ѓорчевска јавноста да биде исклучена од цела јавна расправа.

Одбраната на обвинетите беше против исклучување на јавноста.

Првообвинетиот Љупчо Палевски Палчо кажа дека поради ова нема да ја повика мајката на Вања да сведочи за да не се вознемирува.

Судскиот процес за убиството на Вања и велешанецот Панче Жежовски почна денеска со воведни зборови на обвинителството.