Маж се задуши: Прва човечка жртва во пожарите во Македонија
Пожари на отворено во непосредна близина на три села во кумановско се регистрирани попладнево.
За жал, Македонија ја бележи и првата жртва. Како што информира директорот на ЦУК, Стојанче Ангелов попладнево починато е повозрасно машко лице во кумановското село Кокошиње.
Човекот најверојатно починал како последица од задушување. Неговата сопруга е евакуирана.
Попладнево појавени се над 15 пожари на отворено кои се шират со голема брзина и зафатија 12 села. Дел од нив се напуштени, дел од малку жители.
Во зафатените села изгорени се повеќе куќи и викендици.
Ангелов нагласува дека во моментов активни се околу 20 пожари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
