„Гори“ цел Балкан: Температури до 40 степени, кај соседите се вклучи алармот
Во Албанија, каде температурите надминуваат 40 степени Целзиусови, владата денес наутро предупреди дека „намерно или случајно предизвикување пожар“ се казнува со 15 години затвор.
Во Србија, хидрометеоролошкиот институт РХМЗ денес предупреди на силен топлотен бран, прогнозирајќи дека ќе трае цела недела со температури до 40 степени и тропски ноќи во урбаните средини.
Институтот прогласи портокалова тревога за добар дел од земјата.
Во Косово горештините се придружени со ветер и песок, а на граѓаните им се препорачува да не излегуваат на сонце.
„УВ-индексот ќе биде многу висок“, предупредуваат надлежните, апелирајќи до возачите да бидат внимателни.
За време на претходниот топлотен бран, на 21 јуни, електричната мрежа се расипа во Црна Гора, Босна и Херцеговина, Хрватска и Албанија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
