Попоски: Има огромен потенцијал за економска соработка со Индија
Министерот за надворешни работи, Никола Попоски, денеска оствари средба со својот индиски колега, Салман Куршид.
- Во оваа прилика потпишавме Договор за избегнување на двојно оданочување помеѓу Индија и Македонија што треба да биде дополнителен аргумент за олеснување на инвестиции од двете страни, изјави министерот Попоски по средбата со својот колега.
Министерот денеска се сретнал и со претставници на Министерството за трговија и на Стопанската комора во Њу Делхи. Индиските бизнисмени покажале интерес енергијата и туризмот.
- Се надеваме дека ќе можеме на оваа основа и фактот дека има огромен потенцијал за економска соработка помеѓу Индија и Европа да ја понудиме Македонија како една од најдобрите дестинации за инвестирање во европски рамки, нагласи Никола Попоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
