Автобусите на ЈСП прекинаа со возење по 9 часот, без изгласани субвенции превоз ќе нема

Утрово по 9 часот, автобусите на Јавното сообраќајно претпријатие Скопје (ЈСП) престанаа да сообраќаат по скопските улици, во знак на протест поради неисплатената декемвриска плата.

Ова беше најавено од синдикатот на ЈСП каде оттаму претходно посочија дека автобусите ќе сообраќаат до 9 часот утрово, за граѓаните, болните лица, учениците и вработените да стигнат на своите дестинации.

Во 11 часот е најавена вонредна седница на советот за субвенции на ЈСП од 11 милиони евра, а доколку субвенциите бидат изгласани, веќе од утре градски превоз пак би требало да има.