Мицкоски: Ако се случеше упад во контролата за летање во Вашингтон или Берлин, бандитите ќе беа уапсени или ликвидирани
Првиот човек на ВМРО-ДПМНЕ, Христијан Мицкоски, го коментираше упадот и физичкиот напад во Македонската навигација.
Одговарајќи на новинарски прашања по божиќната литургија во соборниот храм, Мицкоски рече дека ако тоа се случело на аеродромите во Вашингтон, Париз или Берлин, бандидите ќе биле веднаш упасени или ликвидирани.
Мицкоски почетокот на годината го оцени како скандалозен, коментирајќи дека секојдневните скандали кулминирале со упадот просториите на М-НАВ.
„Партиското обвинителство и судството помина низ тоа како небаре да се работи за некој којшто зел 10 ќебапчиња. Жалсно и трагично. Потребна ни е промена“, рече Мицкоски.
Со сличен коментар за случувањата излезе вчера и директорот на Центарот за управување со кризи, Стојанче Ангелов, кој меѓудругото рече: „Што ќе се случеше со насилниците доколку влетаа во контролата на летање на аеродромот во Њујорк? Или во Париз, Истанбул, Атина па дури и во Белград? Јас мислам дека таму немаше да влетаат. Ќе беа “решени” при обидот за влетување“, смета Ангелов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
