Путин премести дел од нуклеарното оружје

Рускиот претседател Владимир Путин пресели дел од своето тактичко нуклеарно оружје во Белорусија.

Белорускиот претседател Александар Лукашенко потврди дека испораката на тактичко нуклеарно оружје од Русија е завршена, пренесе Асошиејтед прес. Лукашенко претходно изјави дека трансферот на нуклеарно оружје од Русија во Белорусија е поврзан со напорите да се „стават под контрола заканите од Полска“, членка на НАТО.

Потврдата дека нуклеарното оружје е преместено доаѓа неколку месеци откако Русија ги објави плановите за стационирање на тактичко нуклеарно оружје во Белорусија, сојузник на Путин и Москва. Во мај, Лукашенко потврди дека некои нуклеарни оружја веќе се испраќаат во Белорусија, што предизвика загриженост кај САД и другите западни земји.

Во јуни, Путин потврди дека првата пратка тактичко нуклеарно оружје пристигнала во Белорусија и дека тие се стационирани таму. „Зошто би се заканувале на целиот свет? Веќе реков дека е можна употреба на екстремни мерки во случај да постои опасност за руската државност“, рече тогаш Путин.