Спасов: Дечињата од домовите не се оставени сами на себе
Премиерот Никола Груевски и министерот за труд и социјала Диме Спасов денеска ги посетија дечињата од Домот 11 Октомври и им доделија новогодишни пакетчиња по повод новогодишните празници.
Спасов потенцира дека за Владата и Министерството за труд и социјална политика грижата за децата без родители и родителска грижа е и ќе остане врвен приоритет.
- Изминатиот период се спроведуваа голем број проекти насочени кон зголемување на поддршката на овие деца, како што е Програмата Д 10 преку која само годинава се вработени 83 лица кои имале ваков статус до својата 18 година во државните институции, а се зголеми и финансиската поддршка за децата кои го продолжуваат своето учење односно се запишуваат на факултет, постдипломски магистарски па дури и докторски студии во висина од 24 илјади денари месечно, рече Спасов.
Спасов додава и дека е зголемена и еднократната парична помош при напуштање на Домот во висина од 180 илјади денари и дека овие деца не се оставени сами на себе, туку државата и институциите навистина се грижат за нив.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
