Пожар во Долнени, на терен еден противпожарен авион
Центарот за управување со кризи (ЦУК) известува дека рано утрово во атарот на с. Гострижни во општина Долнени избувна пожар, при што гори висока сува трева, нискостеблеста деградирана шума и појас со висока дабова и габерова шума.
На терен се противпожарни екипи од ЈП „Национални шуми“ и ТППЕ Прилеп, а и дел од противпожарните сили, кој е префрлен од претходната интервенција во истата општина – од пожарот кај с. Слепче.
Како воздушна поддршка на силите што дејствуваат од земја е пратен едно летало – противпожарен авион од Дирекцијата за заштита и спасување (ДЗС) – за да помогне за прекин на ширење на пожарот во шумскиот дел.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
