Четворица загинати во напад на училиште во Украина
Четворица работници во образованието загинаа, а уште четири лица се повредени во руски напад врз училиште во градот Ромни во североисточна Украина, изјави министерот за внатрешни работи Ихор Клименко. Тој додаде дека спасувачите од урнатините ги извлекле телата на директорот на училиштето, заменик директорот, секретарот и библиотекарката.
Четворица мештани се повредени додека минувале покрај училиштето, рече тој. Тој сподели и фотографии на кои се гледаат работници на брзата помош како носат тела на носилки. Регионалната воена администрација соопшти дека дрон испален од Русија го погодил училиштето во 10:05 часот по локално време.
„Училишната зграда е уништена и непосредно пред учебната година, која за некои за жал никогаш нема да започне“, напиша украинскиот омбудсман за човекови права Дмитро Лубинец на Телеграм.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
